გადახდების მართვის
პლატფორმა

საქართველოს ბანკი წლიდან წლამდე ვითარდება, რაც იმას ნიშნავს, რომ ვცდილობთ, მომხმარებელს უკეთესი, მარტივი და მასზე მორგებული გამოცდილება შევთავაზოთ.
სწორედ ამგვარი ნაბიჯი იყო 2006 წელს ტრანსპორტში ბარათით გადახდების დანერგვა, 2012 წელს კი – უკონტაქტო გადახდების შემოღება. მობილურში ჩაინტეგრირებული ბარათით გადახდამ ხომ საერთოდ შეამცირა ბარათის ტარების საჭიროება.. ზემოთ ჩამოთვლილი შესაძლებლობები საშუალებას გვაძლევს, ყოველდღიურად, მარტივად და სწრაფად განვახორციელოთ იმდენი ტრანზაქცია, რამდენიც გვჭირდება. თუმცა, იმისთვის, რომ ეს პროცესი კიდევ უფრო მეტად დახვეწილიყო, ბიზნეს მომხმარებლების ყველაზე დიდი საჭიროებები გამოვყავით, ესენია:
    • გადახდების მიღების დაწყება მინიმალურ დროში;
    • ინფორმაციის მიწოდება სერვისების შესახებ;
    • საოპერაციო საქმიანობის ეფექტურად მართვა;
    • ყველა გადახდის მეთოდის ერთ სივრცეში გაერთიანება;
    • ნავაჭრი თანხის ჩარიცხვა მინიმალურ დროში;
    • ბიზნეს შედეგების ანალიზი
და სწორედ იმისთვის, რომ ეს საჭიროებები დაკმაყოფილდეს, შეიქმნა ახალი, მარტივი პლატფორმა – გადახდების მართვის პლატფორმა, რომლითაც ბიზნესი გადახდების მართვას სრულიად დამოუკიდებლად შეძლებს. ამ პლატფორმაზე გადახდების მიღებაზე რეგისტრაციას კი მომენტალურად, რამდენიმე პარამეტრის შეყვანით შევძლებთ. ასევე, გადახდების საიტზე ჩაშენებას დეველოპერების ჩართულობის გარეშე მოვახერხებთ და მომენტალურად, სულ რაღაც 15 წუთში გადახდები მზად იქნება მაშინ, როცა რეალურად ეს პროცესი დღესდღეობით რამდენიმე კვირა იწელება ხოლმე. გარდა ამისა, ყველა გადახდის მეთოდს ვნახავთ ერთ სივრცეში – იქნება ეს ფიზიკური გადახდები, ელექტრონული კომერცია, ონლაინ განვადება თუ ნაწილ-ნაწილი. სიახლეები შეეხო ბიზნესების მმართველებსაც, რომლებიც ამიერიდან უკვე შეძლებენ, თანამშრომლები გადახდების მართვაში ჩართონ – მოიწვიონ სხვადასხვა რგოლის მენეჯერები (დეველოპერი, ფინანსისტი, გაყიდვების სპეციალისტი), რომლებსაც ყველა ის საჭირო ოპერაცია დახვდებათ, რაც მათ როლზეა მორგებული. ასევე, ამავე სივრცეში ბიზნესი შეძლებს, საჭიროების შემთხვევაში, თანხა დაუბრუნოს მომხმარებელს, გააუქმოს განვადება და ა.შ ეს სწორედ ის პროცესებია, რომლებსაც აქამდე ბევრი დრო და რამდენიმე ადამიანის ჩართულობა სჭირდებოდა. და ბოლოს, ერთ-ერთი ყველაზე დიდი სიახლე გადახდების სისტემაში ბიზნეს ანალიზია. თუკი აქამდე ჩვენი ბიზნესის აუდიტორიასა და მათ ქცევას Facebook-ისა და Google-ის ანალიტიკური ხელსაწყოებით ვადევნებდით თვალს, ამიერიდან საქართველოს ბანკის აპლიკაციაშივე შეგვეძლება, ვნახოთ რომელ არხებში იზრდება გადახდები, რომელი გადახდის მეთოდებია პოპულარული ჩვენს მომხმარებლებში, ვინ არიან ჩვენი მომხმარებლები, რომელ ასაკობრივ რგოლს მოიცავენ, რა არის ჩვენი წილი იმ ინდუსტრიაში, რომელშიც ვოპერირებთ და რა შესაძლებლობები გვაქვს სამომავლოდ. ყველა ამ სიახლით სარგებლობას სულ მალე შევძლებთ, რაც ნამდვილად დაგვეხმარება, ეფექტურად ვმართოთ ჩვენი ფიზიკური თუ ბიზნეს საქმიანობა. ეს არის პლატფორმა რომელიც სრულიადნ დამოუკიდებლად გადახდების მართვის შესაძლებლობვას მისცემს ბიზნეს.    

საქართველოს ბანკი 2022